2Ki 25 | Ndebele | STEP | Kwasekusithi ngomnyaka wesificamunwemunye wokubusa kwakhe , ngenyanga yetshumi, ngolwetshumi lwenyanga , uNebhukadinezari inkosi yeBhabhiloni wafika, yena lebutho lakhe lonke emelene leJerusalema, wamisa inkamba maqondana layo; bayakhela imiduli yokuvimbezela emelene layo inhlangothi zonke .

at2 Sam 23:28,29; 1 Lan 2:54, 9:16, 11:30; Ezra 2:22; Neh 7:26:12:28

au Jer 40:8

av 2 Sam 20:14

aw Jer 52:31-34

2 Kings 25

Ukuchithwa kweJerusalema

1 Kwasekusithi ngomnyaka wesificamunwemunye wokubusa kwakhe ^a, ngenyanga yetshumi, ngolwetshumi lwenyanga ^b, uNebhukadinezari inkosi yeBhabhiloni wafika, yena lebutho lakhe lonke emelene leJerusalema, wamisa inkamba maqondana layo; bayakhela imiduli yokuvimbezela emelene layo inhlangothi zonke ^c. 2 Umuzi wangena ekuvinjezelweni kwaze kwaba ngumnyaka wetshumi lanye wenkosi uZedekhiya. 3 Ngolwesificamunwemunye lwenyanga yesine ^d indlala yasisiba lamandla phakathi komuzi, njalo kwakungelakudla kwabantu belizwe ^e.

4 Umuzi wasufohlelwa ^f. Wonke amadoda empi ^g asebaleka ebusuku ngendlela yesango phakathi kwemiduli emibili ^h eyayiseduze lesivande senkosi ⁱ, (amaKhaladiya ayemelene-ke lomuzi inhlangothi zonke ^j); inkosi yasihamba ^k ngendlela yamagceke ^l. 5 Ibutho lamaKhaladiya laselixotshana lenkosi, layifica emagcekeni eJeriko ^m; ibutho layo lonke laselihlakazeka lisuka kuyo. 6 Aseyibamba inkosi, ayenyusela enkosini yeBhabhiloni ⁿ eRibila ^o, akhuluma ukwahlulela kwayo. 7 Abulala amadodana kaZedekhiya phambi kwamehlo akhe, akhupha amehlo kaZedekhiya ^p, ambopha ngamaketane ethusi amabili, amusa eBhabhiloni ^q.

Ukuthunjwa kwelakoJuda

8 Langenyanga yesihlanu ^r ngolwesikhombisa lwenyanga ^s (okungumnyaka wetshumi lesificamunwemunye wenkosi uNebhukadinezari inkosi yeBhabhiloni ^t) kwafika uNebuzaradani induna yabalindi, inceku yenkosi yeBhabhiloni, eJerusalema. 9 Wasetshisa indlu kaJehova lendlu yenkosi ^u lazo zonke izindlu zeJerusalema ^v; layo yonke indlu yesikhulu wayitshisa ngomlilo. 10 Lebutho lonke lamaKhaladiya elalilenduna yabalindi ^w ladilizela phansi imiduli yeJerusalema inhlangothi zonke ^x. 11 Njalo insali yabantu ababesele emzini, labahlamuki ababehlamukele enkosini yeBhabhiloni, lensali yexuku, uNebuzaradani induna yabalindi yabathumba ^y. 12 Kodwa induna yabalindi yatshiya ebayangeni belizwe ukuba ngabaphathi bezivini labalimi ^z.

13 Lensika zethusi ezazisendlini yeNkosi ^{aa
,} ^ab, lezisekelo ^ac, lolwandle lwethusi olwalusendlini yeNkosi, amaKhaladiya akuphahlaza ^ad, athwalela ithusi lakho eBhabhiloni. 14 Lezimbiza ^ae, lamafotsholo ^af, lezindlawu ^ag, lenkezo, lezitsha zonke zethusi, abasebenza ngazo, akuthatha ^ah. 15 Lezitsha zokuthwala umlilo ^ai lemiganu yokufafaza, okwakuligolide golide lokwakuyisiliva siliva, induna yabalindi yakuthatha ^aj. 16 Insika zombili ^ak, ulwandle olulodwa, lezisekelo, uSolomoni ayekwenzele indlu yeNkosi ^al, ithusi lazo zonke lezizitsha lalingelakulinganiswa ngesisindo ^am. 17 Ubude bensika eyodwa babuzingalo ezilitshumi lesificaminwembili, lesiduku phezu kwayo sasilithusi ^an, lokuphakama kwesiduku kuzingalo ezintathu ^ao, lomsebenzi ophothiweyo, lamapomegranati* phezu kwesiduku inhlangothi zonke, konke kungokwethusi. Lensika yesibili yayilokunje, ilomsebenzi ophothiweyo.

18 Induna yabalindi yasithatha uSeraya umpristi oyinhloko loZefaniya umpristi wesibili, labalindi bombundu womnyango abathathu. 19 Lemzini yasithatha induna eyayimiswe phezu kwamadoda empi, lamadoda amahlanu ayesebusweni benkosi ayeficwe emzini, lomabhalane omkhulu webutho eyayibuthela abantu belizwe emabuthweni, lamadoda angamatshumi ayisithupha abantu belizwe ayeficwe phakathi komuzi. 20 UNebuzaradani induna yabalindi wasebathatha laba wabasa enkosini yeBhabhiloni eRibila. 21 Inkosi yeBhabhiloni yasibatshaya yababulalela eRibila elizweni leHamathi. Ngokunjalo uJuda wathunjwa esuswa elizweni lakhe.

Abantu abaseleyo babalekela eGibhithe

22 Abantu abasala-ke elizweni lakoJuda, uNebhukadinezari inkosi yeBhabhiloni owayebatshiyile, wabeka phezu kwabo uGedaliya ^ap indodana kaAhikhamu indodana kaShafani ^aq. 23 Kwathi zonke induna zamabutho, zona labantu bazo, sezizwile ukuthi inkosi yeBhabhiloni ibeke uGedaliya abe ngumbusi ^ar, zeza kuGedaliya eMizipa ^as: Ngitsho oIshmayeli indodana kaNethaniya loJohanani indodana kaKareya loSeraya indodana kaTanihumethi umNetofa ^{at
,} ^au loJahazaniya indodana yomMahakathi ^av, zona labantu bazo. 24 UGedaliya wasefunga kuzo lakubantu bazo wathi kuzo: Lingesabi ukuba zinceku zamaKhaladiya; hlalani elizweni, likhonze inkosi yeBhabhiloni, njalo kuzakuba kuhle kini. 25 Kodwa kwathi ngenyanga yesikhombisa, kwafika uIshmayeli indodana kaNethaniya indodana kaElishama, owenzalo yesikhosini, lamadoda alitshumi elaye, basebemtshaya uGedaliya waze wafa, lamaJuda lamaKhaladiya ayelaye eMizipa. 26 Abantu bonke-ke, kusukela komncinyane kuze kuye komkhulu, lenduna zamabutho, basebesuka baya eGibhithe, ngoba besaba amaKhaladiya.

Ukukhululwa lokuphakanyiswa kukaJehoyakhini

27 Kwasekusithi ngomnyaka wamatshumi amathathu lesikhombisa ^aw wokuthunjwa kukaJehoyakhini inkosi yakoJuda ^ax, ngenyanga yetshumi lambili, ngolwamatshumi amabili lesikhombisa lwenyanga ^ay, uEvili Merodaki inkosi yeBhabhiloni, ngomnyaka aba yinkosi ngawo, waphakamisa ikhanda likaJehoyakhini inkosi yakoJuda emkhupha entolongweni ^az. 28 Wasekhuluma kuhle laye, wamisa isihlalo sakhe sobukhosi phezu kwesihlalo sobukhosi samakhosi ayelaye eBhabhiloni. 29 Wasentshintsha izigqoko zokubotshwa kwakhe; wasesidla isinkwa njalonjalo phambi kwakhe insuku zonke zempilo yakhe ^ba. 30 Lesabelo esimiyo, isabelo esimiyo esiqhubekayo sanikwa yena yinkosi, into yosuku ngosuku lwayo, zonke izinsuku zempilo yakhe ^bb.